Dua Lipa, një nga emrat më të njohur të muzikës pop, shpesh preferon të kalojë pa shumë vëmendje, pa humbur stilin e saj karakteristik.
Këngëtarja shqiptaro-britanike u fotografua të mërkurën teksa mbërrinte në një studio regjistrimi në New York. Ajo kishte një paraqitje pothuajse të panjohshme, duke e mbuluar kokën me një kapuç të zi të mbështjellë si shall dhe një palë syze të mëdha dielli, duke dhënë përshtypjen se po përpiqej të kalonte pa u vënë re.
Në një ditë të zakonshme, megjithatë, stili i saj nuk mbeti pa u komentuar. Artistja 30-vjeçare kishte veshur një bluzë të gjelbër të ngushtë, të kombinuar me pantallona sportive të zeza.
Pamjen e saj e kompletoi me çantën ikonike Hermès Birkin në ngjyrë të zezë, e cila ishte e personalizuar me një shall shumëngjyrëshe dhe varëse dekorative. Kjo çantë ka arritur të bëhet një nga aksesorët e saj më të preferuar, me çmimet që mund të arrijnë deri në 65 mijë dollarë.
Vëmendje të veçantë morën edhe atletet e saj Completedworks x ASICS në ngjyrë të zezë, të cilat ngjallën diskutime midis adhuruesve të modës për ri-kthimin e modelit të njohur si “dad shoes”.
Megjithatë, një detaj i paharrueshëm për fotografët ishte unaza vezulluese e martesës që ajo kishte në dorën e majtë, një tjetër tregues i lumturisë së saj pas martesës me aktorin britanik Callum Turner.
Be the first to comment