Barcelona ka përfunduar me sukses transferimin e sulmuesit Karim Adeyemi nga Borussia Dortmund. Sipas raportimeve, klubi katalanas ka paguar një shumë prej 29 milionë eurosh, e cila përfshin edhe bonuset e mundshme për shërbimet e lojtarit gjerman.
Nëpërmjet një deklarate zyrtare dhe një postimi në rrjetet sociale, kampionët e Spanjës konfirmuan se 24-vjeçari ka nënshkruar një kontratë pesëvjeçare, që do ta mbajë atë te Barcelona deri më 30 qershor 2031.
Adeyemi është përforcimi i dytë i rëndësishëm i Barcelonës gjatë kësaj merkatoje verore, pas zyrtarizimit të Anthony Gordonit, anësor nga Newcastle United. I njohur për shpejtësinë dhe fleksibilitetin e tij në fushë, Adeyemi mund të luajë si sulmues dhe pritet ta forcojë repartin e avancuar pas largimit të veteranit Robert Lewandowski.
Karim Adeyemi u transfertua te Borussia Dortmund nga Red Bull Salzburg në vitin 2022, ku arriti të shënonte 36 gola në 146 paraqitje në të gjitha kompeticionet.
Në momentin e prezantimit zyrtar, Adeyemi nuk ishte i vetëm. Ai u shoqërua nga partnerja e tij, Loredana, e cila ia nisi këtij hapi të rëndësishëm në karrierë, duke pozuar krah tij së bashku me vajzën e tyre, Hanën, në ambientet e klubit katalanas.
Urojmë që transferimi i ri të jetë i suksesshëm për Karim Adeyemi!
Be the first to comment