Janë publikuar pamjet filmike që dokumentojnë aksidentin e rëndë të ndodhur pasditen e sotme te mbikalimi i TEG-ut në Tiranë, ku humbën jetën dy persona.
Pamjet e siguruara nga JOQ Albania tregojnë qartë momentin kur një kamion lëviz me shpejtësi të lartë dhe përplaset me një automjet tjetër.
Pas goditjes, mjeti i tonazhit të rëndë kalon barrierat mbrojtëse të mbikalimit dhe përfundon i rrëzuar në nivelin e poshtëm të rrugës.
Ndërkohë, drejtuesi i automjetit tjetër të përfshirë në aksident, 28-vjeçari Roland Nuri, është transportuar me urgjencë në spital dhe ndodhet jashtë rrezikut për jetën.
Policia dhe grupi hetimor janë në vendngjarje dhe po analizojnë pamjet filmike për të përcaktuar me saktësi shkakët dhe rrethanat e kësaj ngjarjeje tragjike.
Këtu mund t’i shihni pamjet e aksidentit.
Be the first to comment