Në një postim në Facebook, ajo shprehu bindjen se vonesa në krijimin e institucioneve nuk është pasojë e rrethanave, por një zgjedhje politike e Albin Kurtit dhe Lëvizjes Vetëvendosje.
Ajo theksoi se sot nuk kishte asnjë arsye për të mos propozuar kandidatin për Kryetar të Kuvendit dhe për mosvotimin e konstituimit të tij. Sipas saj, Gjykata Kushtetuese ka qenë krejtësisht e qartë, duke theksuar se Kuvendi duhet të mblidhet dhe të konstituohet brenda 30 ditëve nga certifikimi i rezultateve të zgjedhjeve.
Përveç kësaj, Çitaku theksoi se mosveprimi i sotëm përbën jo vetëm papërgjegjësi politike, por gjithashtu një shpërfillje të drejtpërdrejtë të rendit kushtetues dhe të detyrimeve që vijnë nga aktgjykimi i Gjykatës Kushtetuese. Ajo deklaroi se Kosova nuk mund të mbahet peng për llogari të kalkulimeve politike të një individi apo një partie.
“Albin, mjaft. Konstituoje Kuvendin menjëherë dhe lëre Kosovën të ecë përpara,” theksoi deputetja e betuar, ndërsa Kadri Kryeziu diskutoi polemikat në Klan Kosova.
Be the first to comment