Olsa Muhameti ka vendosur të përgjigjet disa pyetjeve të ndjekësve lidhur me mënyrën se si funksionon “Big Brother VIP”. Në veçanti, ajo ka prekur një temë shpesh të diskutuara: rolin e produksionit në dhomën e rrëfimit.
Një ndjekës e pyeti për perceptimin më të gabuar që publiku ka mbi këtë format. Muhameti shprehu se ka pretendime se produksioni mund të ndikojë në lojën dhe sjelljen e banorëve përmes bisedave që zhvillohen jashtë kamerave të shtëpisë.
Ajo e përkufizoi këtë si një perceptim të gabuar, duke theksuar: “Produksioni ndikon lojën e banorëve përmes dhomës së rrëfimit…”.
Muhameti theksoi se ky qëndrim është “totalisht gabim”. Sipas saj, nëse do të ishte ndryshe, formati do të ishte i rremë dhe nuk do të kishte sukses.
Kjo deklaratë ka ardhur në një kohë kur marrëdhënia midis produksionit dhe banorëve në dhomën e rrëfimit ka qenë shpesh objekt diskutimi. Ish-banorja Jasmin Kadriu kishte ngritur më herët pretendime publike lidhur me përvojën e saj dhe komunikimin me produksionin në këtë ambient.
Me përgjigjet e saj, Muhameti mohon se dhoma e rrëfimit përdoret për t’u diktuar banorëve se si duhet të luajnë. Ajo shprehet se ndërhyrja e produksionit në lojën e konkurrentëve do të ndikonte në autenticitetin e formatit, mbi të cilin ai mbështetet.
You must be logged in to post a comment Login