Çfarë autogoli: Raportojnë se “Kosova është Serbi”, por videoja i tradhton keq mediat serbe

Mediat në Serbi kanë raportuar se tifozët e klubit spanjoll, Getafe, gjatë ndeshjes së sotme me Partizanin, kanë bërë thirrje nga tribunat duke thënë se “Kosova është Serbi”.

Portali “SportKlub” i medias serbe N1 ka publikuar një video që dokumenton këtë ngjarje, sipas informacioneve nga Klankosova.tv.

Megjithatë, kur përpiqesh të aksesosh këtë video nga adresa IP të Kosovës, shfaqet një mesazh që sfidon pretendimin serb se “Kosova është Serbi”.

Mesazhi thotë: “Na vjen keq, video-përmbajtja nuk është e disponueshme në shtetin tuaj.”