Policia e Durrësit ka bërë me dije detaje të reja lidhur me konfliktin mes një çifti bashkëshortor, i cili ka ndodhur sot në zonën e Shkozetit.
Sipas informacioneve, gjatë një debati familjar, shtetasi Xh. L., 43 vjeç, dyshohet se ka plagosur bashkëshorten e tij, A. L., 38 vjeçe, me një mjet prerës.
Në njoftim theksohet se gruaja ka marrë dëmtime në pjesën e kokës, ndërsa gjatë këtij konflikti është dëmtuar edhe 43-vjeçari.
Ngjarja ka ndodhur rreth orës 17:00 në lagjen 14. Pas përplasjeve mes tyre, të dy bashkëshortët janë detyruar të kërkojnë ndihmë mjekësore në spital. Aktualisht, ata janë jashtë rrezikut për jetën.
Grupi hetimor, duke u udhëhequr nga Prokuroria, ka filluar punën për të sqaruar dinamikat e ngjarjes dhe për të dokumentuar rastin në mënyrë ligjore.
You must be logged in to post a comment Login