Hulumtuesi i lartë i Institutit Demokratik të Kosovës (KDI), Vullnet Bugaqku, ka shprehur kritika të forta ndaj deputetëve të shumicës parlamentare për vonesat në konstituimin e Kuvendit të Kosovës.
Në emisionin “Edicioni Special” në Klan Kosova, Bugaqku theksoi se kjo shumicë po e pengon formimin e Kuvendit, duke shkelur rendin kushtetues të vendit. Ai u shpreh se deputetët po dështojnë të përmbushin detyrat e tyre kushtetuese, duke mos garantuar zgjedhjen e kryetarit të Kuvendit dhe formimin e parlamentit brenda afateve të përcaktuara.
Bugaqku theksoi se afati kushtetues për konstituimin e Kuvendit është i detyrueshëm dhe se ky afat është konfirmuar edhe nga Gjykata Kushtetuese. Sipas tij, ky obligim nuk duhet të vonohet për arsye politike, sepse kjo cënon rëndë Kushtetutën e Kosovës.
Ai përmendi se situata aktuale është e paprecedentë dhe mund të ketë pasoja negative për imazhin e Kosovës në arenën ndërkombëtare. “Kjo është një shenjë tejet negative për Republikën e Kosovës në skenën ndërkombëtare,” përfundoi Bugaqku.
You must be logged in to post a comment Login