Besnik Tahiri: Nuk do ta lëmë as Kuvendin, as seancën pa e sfiduar në maksimum (VIDEO)

Deputeti i Aleancës, Besnik Tahiri, ka bërë një deklaratë përpara vazhdimit të seancës konstituive të Kuvendit të Kosovës.

Tahiri theksoi se Aleanca do ta kundërshtojë çdo veprim që e konsideron të papranueshëm, duke shprehur qëndrimin e saj në maksimal. Ai u shpreh: “Ne nuk do ta lëmë as Kuvendin, as Kosovën dhe as seancën pa e sfiduar në maksimum, për ta elaboruar qëndrimin tonë.”

I është referuar gjithashtu mbylljes së sallës, duke e konsideruar këtë situatë si një lojë politike, ku palët po përpiqen të hedhin fajin njëra-tjetrës. “E pat sallën të mbyllur. Është lojë se kush kujt po ia lë fajin,” u shpreh ai.

Sipas Tahirit, synimi i partisë fituese të zgjedhjeve është të ndërmarrë një akt që ai e cilëson si jokushtetues, me qëllim që të blihen koha dhe të rritet presioni për arritjen e një marrëveshjeje politike. “Qëllimi është të bëhet një akt jokushtetues, që të mund të blihet kohë dhe të rritet presioni për një marrëveshje politike,” shpjegoi ai.