Pas një periudhë të vështirë në jetën e tyre personale, Dragos Savulescu dhe Angela Martini duket se kanë rikthyer qetësinë pranë njëri-tjetrit. Biznesmeni rumun ka ndarë së fundmi një foto me modelen shqiptare në Instagram, duke konfirmuar kështu se marrëdhënia e tyre është bërë më e fortë se më parë.
Gjatë vitit të kaluar, çifti përjetoi një periudhë të trazuar, kur Angela kishte bërë kërkesë për divorc në Los Angeles, pas shtatë vitesh martesë. Në dokumentet e dorëzuara në gjykatë, ajo theksoi mosmarrëveshje të forta mes tyre dhe kërkonte kujdestari të përbashkët për djalin e tyre, si dhe mbështetje financiare.
Çdo gjë mori një kthesë të papritur disa muaj më vonë. Në fund të vitit, Angela vendosi të tërhiqte kërkesën për divorc, duke sugjeruar se mes saj dhe Dragos kishte filluar një pajtim.
Që nga fillimi i vitit 2026, dyshja ka ndarë momente të përbashkëta në rrjetet sociale, duke treguar se kanë zgjedhur t’i japin një tjetër shans dashurisë së tyre. Postimi më i fundit i Dragos është interpretuar si një konfirmim i qartë se ata kanë lënë pas problemet dhe po shijojnë një periudhë më të qetë familjare.
Angela Martini, e cila ka një histori të njohur me konkursin Miss Universe, kishte marrë pjesë në ngjarjen e vitit 2011 në New York City. Ajo e kujton takimin e saj të parë me Donald Trump, përpara se të ecte në pasarelat e Miss Universe, dhe dëshmon për emocionet që ndjeu ato çaste.
Modelja ndante mendimin se kishte parë disa favorizime gjatë konkurrencës, gjë që e kishte lënë të dekurajuar për të ardhmen e saj. Ajo tha se kishte vënë re se disa individë që duhej të ishin neutralë po favorizonin disa vajza që në fillim.
You must be logged in to post a comment Login