Albin Krasniqi shpallet “Ylli i Javës” pas xhiros së parë në Superligë

Albin Krasniqi është shpallur “Ylli i Javës” për javën e parë të edicionit 2026/27 në Superligën e Kosovës.

Federata e Futbollit të Kosovës vazhdon traditën e ndarjes së çmimit për futbollistin më të dalluar të çdo xhiroje, duke njohur arritjet e veçanta në fushën e lojës.

Krasniqi, lojtar i FC Prishtinës, u vlerësua për paraqitjen e tij të shkëlqyer në ndeshjen ndaj FC Ballkanit, ku ishte një nga protagonistët kryesorë të fitores 4:2.

Ai kontribuoi me dy gola dhe tregoi angazhimin dhe cilësinë e tij gjatë gjithë ndeshjes.

Vlerësimi për çmimin “Ylli i Javës” u bë nga Komisioni i Veteranëve të Futbollit.