Aktorja e njohur Charlize Theron ka tërhequr sërish vëmendjen e publikut me një pozë të guximshme. Pasi ndau një fotografi artistike në rrjetet sociale, ajo shfaqet pa bluzë, duke mbuluar gjoksin me duar dhe një çarçaf. Fotografia, e cila ishte publikuar disa orë para premierës londineze të filmit “The Odyssey”, ka bërë xhiron e mediave dhe u bë virale mes fansave.
Pas kësaj, 50-vjeçarja ndryshoi pamje dhe u paraqit në festën pas premierës me një fustan të gjatë në ngjyrë të kuqe, i cili theksonte elegancën dhe fizikun e saj. Gjatë premierës, ajo u shfaq edhe me një fustan elegant të zi nga Givenchy, duke tërhequr sërish vëmendjen e fotografëve dhe të pranishmëve.
Charlize Theron, që aktualisht është në turne për promovimin e “The Odyssey”, interpreton rolin e Circes, përkrah aktorëve të njohur si Anne Hathaway dhe Matt Damon. Ky film epik, me regji të Christopher Nolan, tregon udhëtimin e Odiseut pas përfundimit të Luftës së Trojës.
Kjo paraqitje ndodhi pak javë pas një interviste, në të cilën aktorja foli hapur për jetën e saj personale, duke deklaruar se ndihet më e lirë dhe më e lumtur se kurrë në këtë fazë të jetës.
Be the first to comment