Aksident në Fier, plagoset drejtuesi i mjetit

Një aksident rrugor ka ndodhur në bypass-in e Fierit, në rrugën Levan–Mbrostar, afër zonës së njohur si “Spitali Memorial”.

Sipas informacioneve të para, drejtuesi i një automjeti tip “Volkswagen” ka humbur kontrollin e mjetit, duke u përplasur me bordurat e karrexhatës.

Si rezultat i këtij aksidenti, drejtuesi ka pësuar lëndime dhe është transportuar me ambulancë në spital për ndihmë mjekësore.

Policia ka mbërritur në vendngjarje dhe po heton për të sqaruar shkaqet e aksidentit.