Aksident i frikshëm në magjistralen Prishtinë–Mitrovicë, përmbyset një veturë (VIDEO)

Një aksident i rëndë trafiku ka ndodhur në magjistralen Prishtinë–Mitrovicë, ku një automjet është përmbysur në rrugë.

Pamjet nga vendi i ngjarjes, të siguruara nga Klankosova.tv, tregojnë automjetin e përmbysur. Megjithatë, rrethanat e aksidentit ende nuk dihen.

Ekipi i Klankosova.tv ka kontaktuar Policinë për të marrë informacion, por deri në publikimin e këtij lajmi nuk ka pasur një konfirmim zyrtar në lidhje me të lënduarit.

Klankosova.tv do të vazhdojë të informojë publikun me detaje të reja sapo ato të bëhen të ditura.