Kryetari i Lidhjes Demokratike të Kosovës, Lumir Abdixhiku, së bashku me Vjosa Osmanin dhe Lutfi Hazirin, ka mbajtur një takim me liderin e Lëvizjes Vetëvendosje, Albin Kurti, në prani të Hekuran Muratit dhe Arbërie Nagavcit.
Në qendër të diskutimeve ishte çështja lidhur me presidentin e ardhshëm të vendit.
Pas takimit, Abdixhiku deklaroi se partia e tij do të shqyrtojë emra konkretë për këtë post. Ai theksoi se është diskutuar për kriteret dhe profilin e mundshëm të presidentit të ardhshëm.
“Kriteret janë të qarta. Ju lutem, besoni në orientimin tonë 37-vjeçar. Jam i bindur se Kosova ka figura të denja, por kjo çështje është shumë delikate. Duhet një periudhë diskutimi të brendshëm në partitë tona para se të paraqesim emra konkretë në takimin tonë të ardhshëm. Na nevojitet ende kohë për të dalë me emra specifikë,” tha Abdixhiku, sipas reporteve nga Klankosova.tv.
Ai gjithashtu theksoi se LDK-ja nuk kërkon asgjë përveç stabilitetit institucional.
You must be logged in to post a comment Login