A ka luftuar me simbole islame apo me emblemë të UÇK-së? – flet Hoxhë Halimi

Një nga temat e diskutuara në emisionin “Kosova Today” ishin akuzat se Bekir Halimi nuk ka luftuar nën simbole kombëtare, por nën ato islamike.

Kjo deklaratë u kundërshtua drejtpërdrejt nga vetë Halimi, gjatë një intervistë në Klan Kosova. Ai sqaroi se disponon dokumentet e Ushtrisë Çlirimtare të Kosovës (UÇK) që vërtetojnë se ka qenë pjesë integrale e saj. Sipas tij, ata kanë luftuar me emblemën e UÇK-së si anëtarë të brigadës.

Halimi gjithashtu theksoi se mori pjesë në protestën për lirimin e ish-krerëve të UÇK-së nga Haga, e cila u organizua në Shkup, duke mbajtur po ashtu emblemën e UÇK-së.

Ai e quajti të pavërtetë çdo pretendim tjetër mbi këtë çështje.