Pas propozimit, Kushtrimi shkon për t’ia ‘kërkuar dorën’ Aurorës sipas traditës

Pas propozimit në emision, Kushtrim Kelani ka shkuar për t’i kërkuar dorën Aurorës, sipas traditës shqiptare.

Vetëm një ditë pas propozimit për martesë që tërhoqi vëmendjen e publikut, Aurora Rrusta dhe Kushtrim Kelani kanë bërë një hap të rëndësishëm drejt dasmës së tyre.

Në ditëlindjen e 23-të të Aurorës, Kushtrimi, së bashku me anëtarë të familjes, është prezantuar për t’i kërkuar dorën partneres së tij. Aurora ka ndarë pamje nga ky moment të rëndësishëm në Instagram, duke shkruar: “Siç e do tradita”, krahas datës 08.09.2026.

Ky moment erdhi një ditë pas surprizës që Kushtrimi i bëri Aurorës në emisionin “Ora 7” në Klan Kosova. Gjatë transmetimit të drejtpërdrejtë, kur Aurora po prezantonte parashikimin e motit, ai u shfaq me një unazë dhe e propozoi për martesë. Aurora e pranoi propozimin, duke e bërë momentin të paharrueshëm. Kushtrimi zgjodhi pikërisht Klan Kosovën për propozimin, pasi historia e tyre kishte filluar aty.

Aurora dhe Kushtrim u njohën gjatë “Big Brother VIP Kosova 4”, ku afërmia e tyre filloi e pastaj vazhdoi edhe jashtë shtëpisë. Sipas raportimeve të Prive By Liberta Spahiu, çifti po përgatitet për martesë, e cila pritet të mbahet në fillim të muajit tetor, duke ndjekur traditat shqiptare.

Pas propozimit dhe ceremonisë familjare të sotme, tani ka filluar zyrtarisht numërimi mbrapsht për ditën e dasmës.