U parkuan vend e pa vend, policia shqipton gjoba gjatë varrimit të Laurent Krasniqit

Një video e shpërndarë në rrjetet sociale ka tërhequr vëmendjen gjatë ceremonisë së varrimit të Laurent Krasniqit.

Në pamje duket një zyrtar policor i cili po shqipton gjoba për disa automjete që dyshohet se ishin parkuar në mënyrë të parregullt pranë vendit ku po zhvillohej ceremonia mortore.

Numri i madh i njerëzve dhe automjeteve që kishin ardhur për t’i dhënë lamtumirën e fundit Laurentit ka bërë që shumë vetura të parkohen në vende të papërshtatshme.

Kjo situatë ka ngritur shqetësime dhe ka bërë që ata që ishin prezentë të reagojnë në lidhje me rendin e zhvillimit të ceremonisë.