Një person është arrestuar sot në Prishtinë, nën dyshimin se po përpiqej të kryente veprën penale të “Vjedhjes së rëndë” në një shtëpi.
Sipas njoftimit të Policisë së Kosovës, arrestimi është realizuar në flagrancë falë veprimeve të shpejta të njësisë së arrestimeve nga Stacioni Policor Qendra.
I dyshuari, identifikuar si A.M., 33-vjeç, është intervistuar pas arrestimit në koordinim me Prokurorin e Shtetit.
Me urdhër të prokurorit, ai është dërguar në mbajtje për një periudhë prej 48 orësh, ndërsa rasti po trajtohet nga organet kompetente.
Policia nuk ka ofruar detaje të tjera mbi rrethanat e rastit ose mënyrën se si pritej të kryhej vjedhja.
You must be logged in to post a comment Login