Mateo reagon për herë të parë mes aludimeve për ndarje nga Brikena

Mateo dhe Brikena janë kthyer në qendër të vëmendjes së rrjeteve sociale, pasi fansat kanë nisur të aludojnë për një krizë në marrëdhënien e tyre.

Dyshimet për një ndarje të mundshme nisën pasi ndjekësit vunë re se çifti nuk ndiqen më në Instagram dhe kanë larguar fotografitë e përbashkëta nga profilet e tyre, veprime që zakonisht interpretohen si shenjë e problemeve në raport.

Mes gjithë zhurmës online, Mateo ka bërë një reagim të tërthortë përmes një postimi të publikuar nga Elbasani. Në fotografinë e ndarë me ndjekësit, ai shfaqet pranë disa fëmijëve, ndërsa krahas imazhit ka shkruar: “Një ditë normale në Elbasan”.

Megjithatë, ajo që ka tërhequr më shumë vëmendjen e ndjekësve nuk ishte vetëm postimi, por një detaj tjetër që u komentua menjëherë në rrjet. Fansat kanë vërejtur se Mateo duket sikur fsheh dorën e majtë në fotografi, duke ngritur pikëpyetje nëse ai vazhdon ende ta mbajë unazën simbolike të lidhjes me Brikenën.

Deri më tani, as Mateo dhe as Brikena nuk kanë bërë ndonjë deklaratë zyrtare lidhur me raportin e tyre, duke lënë gjithçka në kuadër të aludimeve që po qarkullojnë në rrjetet sociale.