Dolce “thumbon” me mesazhin e fundit: “Një si unë nuk mund ta ndryshosh”

Dolce ka rikthyer sërish vëmendjen e ndjekësve me një postim të fundit në rrjetet sociale, i cili u komentua gjerësisht nga fansat e saj.

Ish-banorja e “Big Brother VIP Kosova” publikoi një mesazh në gjuhën italiane, që u interpretua nga shumë ndjekës si një deklaratë e fortë për karakterin dhe personalitetin e saj.

“Una come me non puoi capirla, né fermarla e né cambiarla. Puoi solo odiarmi o essere folle insieme a me”, shkroi Dolce në postimin e saj.

Në përkthim në shqip, mesazhi thotë: “Një si unë nuk mund ta kuptosh, as ta ndalosh dhe as ta ndryshosh. Mund vetëm të më urresh ose të jesh i çmendur bashkë me mua.”

Postimi ka marrë reagime të shumta në rrjet, ku fansat kanë nisur menjëherë komente dhe aludime për kujt mund t’i jetë drejtuar ky mesazh. Disa e kanë parë si një deklaratë force dhe vetëbesimi, ndërsa të tjerë mendojnë se Dolce ka dashur të japë një sinjal për njerëzit që e kritikojnë vazhdimisht.

E njohur për natyrën e saj provokuese dhe deklaratat që shpesh bëjnë bujë online, Dolce vazhdon të mbetet një nga personazhet më tëkomentuara në rrjetet sociale edhe pas përfundimit të eksperiencës së saj në BBVK.