Një vajzë 16-vjeçare ka humbur jetën si pasojë e lëndimeve të rënda që pësoi gjatë një stuhie të fuqishme në kantonin e Zurich-ut, që ndodhi të premten. Ajo u godit nga një degë peme që ra për shkak të erërave të forta dhe u dërgua në spital në gjendje kritike.
Sipas mediave zvicerane, stuhia shkaktoi dëme të konsiderueshme në rajon dhe lëndoi edhe gjashtë individë të tjerë. Autoritetet kishin paralajmëruar herët për kushte të jashtëzakonshme atmosferike, me temperatura shumë të larta që u pasuan nga reshje intensive, breshër dhe erë të forta.
Ngjarja ka tronditur opinionin publik në Zvicër, ndërsa zyrtarët vazhdojnë të bëjnë thirrje për kujdes të shtuar gjatë këtyre kushteve të paqëndrueshme, veçanërisht në afërsi të pemëve dhe objekteve që mund të bien për shkak të erës.
Ky incident është një nga më të rëndët të lidhura me motin ekstrem që ka ndodhur në Zvicër gjatë këtij viti.
You must be logged in to post a comment Login