Rusia dhe Ukraina kanë akuzuar njëra-tjetrën për sulme të ndërsjella gjatë natës së të shtunës, të cilat rezultuan në vdekjen e tre personave dhe plagosjen e gjashtë të tjerë në të dyja palët.
Në Ukrainë, guvernatori i rajonit të Sumyt, Oleh Hryhorov, njoftoi për vdekjen e dy personave nga një sulm rus. Ky sulm dëmtuar infrastrukturën civile, magazinat dhe automjetet në atë zonë.
Një tjetër person humbi jetën si pasojë e bombardimeve ruse në distriktin qendror të Khersonit në orët e para të mëngjesit, sipas guvernatorit Oleksandr Prokudin.
Forcat Ajrore të Ukrainës gjithashtu raportuan se Rusia lëshoi dy raketa të drejtuara dhe 157 dronë gjatë natës. Sipas tyre, 128 objektiva ajrore u kapën ose u neutralizuan mbi veriun, jugun, lindjen dhe qendrën e vendit.
Ndërkaq, në rajonin rus të Rostovit, pesë persona u plagosën në një sulm ajror që guvernatori Yury Slyusar e përshkroi si një sulm “masiv” ukrainas.
Be the first to comment