Jennifer Lopez ka ndarë me ndjekësit e saj disa momente të veçanta nga festimi i ditëlindjes së motrës së saj. Këngëtarja dhe aktorja e njohur publikoi një sërë fotografish në “Instagram”, duke treguar atmosferën intime të festës.
Një nga imazhet tregon Lopezin duke u relaksuar në vaskë, e mbuluar me shkumë, ndërsa motra e saj është pranë, duke qeshur. Në një tjetër foto, dy motrat shihen duke fryrë qirinjtë e një ëmbëlsire, duke shijuar momentin pasi ditëlindjet e tyre janë vetëm disa ditë larg nga njëra-tjetra.
Lopez shkruan në postimin e saj: “Një udhëtim i dyfishtë për ditëlindje me motrën time është gjithmonë një ide e mirë. Të dua Lini. Gëzuar ditëlindjen”.
Gjatë këtyre ditëve, artistja ka ndarë gjithashtu pamje të tjera nga udhëtimi i saj në Europë, duke përfshirë fotografi pa grim, momente nga Java e Modës së Lartë në Paris, dhe paraqitjen e saj në Wimbledon në Londër.
Be the first to comment