Moti i keq i së hënës solli dëme të mëdha për bujqit në Istog, duke shkaktuar dëshpërim për qindra prej tyre. Kokrrat e breshrit shkatërruan plotësisht të mbjellat për të cilat ata kishin punuar për muaj me radhë.
Një nga fermerët e prekur, Isuf Gjocaj nga Kovraga, tha se shalqiri i tij, i cili ishte gati për treg, është shkatërruar plotësisht. Dëmet janë evidentuar gjithashtu në tre hektarë me speca, që kanë pësuar goditje të rënda nga reshjet e breshrit.
Të tjerë fermerë po ashtu janë përballur me vështirësi për shkak të shpenzimeve të larta që kishin bërë për mbjellje. Dëmet nuk janë të kufizuara vetëm në fruta e perime; shumë serrat, pemët me mollë dhe kopshtet për nevoja familjare gjithashtu kanë pësuar dëmtim të rëndë.
Përveç të mbjellave, ata raportojnë dëme në objekte, automjete dhe shtëpi banimi. Situata është alarmante dhe kërkon vëmendje të menjëhershme për t’u përballur me pasojat e këtij eventi të papritur.
Be the first to comment