U jepet lamtumira e fundit tre mërgimtarëve nga Vushtrria që vdiqën tragjikisht në Shkup

Mëngjesin e së martës, familjarë, miq dhe qytetarë u mblodhën për t’i dhënë lamtumirën e fundit tre mërgimtarëve nga Vushtrria, të cilët humbën jetën tragjikisht në një aksident në Shkup.

Ceremonia e varrimit u zhvillua në varrezat e fshatit Studime, në komunën e Vushtrrisë. Të pranishmit përshkuan momentet e dhimbjes për humbjen e Ejup Tërnavës, Xheneta Tërnavës dhe Fatmire Shabanit.

Sipas pamjeve të transmetuara nga Klan Kosova, një numër i madh qytetarësh morën pjesë në këtë ngjarje të trishtë.

Tre mërgimtarët humbën jetën në një aksident të rëndë rrugor në Maqedoninë e Veriut, ndërsa po ktheheshin nga Aeroporti i Shkupit drejt Kosovës.