Pas një vere të ngarkuar në arenën evropiane, Drita vazhdon betejën për një tjetër paraqitje të suksesshme në garat e UEFA-s. Kampioni i Kosovës nis sonte sfidën në raundin e dytë kualifikues të Conference League, duke u përballur me skuadrën malteze, FC Floriana.
Ndeshja e parë mes këtyre dy skuadrave do të zhvillohet në “Centenary Stadium” në Ta’ Qali, Maltë, duke filluar nga ora 19:30. Gjilanasit synojnë të kenë një rezultat pozitiv para ndeshjes së kthimit.
Drita ka krijuar një histori të rëndësishme në garat evropiane dhe është një nga klubet kosovare me më shumë përvojë në skenën ndërkombëtare. Ekipi ka realizuar disa paraqitje të paharrueshme në vitet e fundit, duke kaluar raunde dhe duke u përballur me kundërshtarë nga vende të ndryshme evropiane.
Edhe këtë edicion, Drita e ka nisur rrugëtimin evropian me ambicie të mëdha. Pas eliminimit në raundin e parë kualifikues të Ligës së Kampionëve nga Kauno Žalgiris, kampioni kosovar vazhdoi garën në Conference League. Ai synon të shfrytëzojë përvojën e fituar ndër vite dhe të avancojë sa më larg në këtë kompeticion.
Përballë Florianas, Drita do të shpresojë për një rezultat që do ta mbajë gjallë ëndrrën evropiane dhe do t’i ofrojë një avantazh para duelit të kthimit.
You must be logged in to post a comment Login