Finalja e vërtetë Francë-Angli, Gërbeshi: Ky kampionat ishte lamtumirës për shumë legjenda të futbollit (VIDEO)

Spanja është shpallur kampione e botës pas një ndeshjeje finale ku mposhti Argjentinën me rezultatin 1:0.

Goli vendimtar i takimit është realizuar nga Ferran Torres në minutën e 108-të, pas vazhdimeve.

Ndeshja finale e Kampionatit Botëror ishte gjithashtu një nga temat kryesore të Programit të Mëngjesit në Klan Kosova. Gazetari Kasim Gërbeshi theksoi se për të, ndeshja më interesante ishte ajo mes Anglisë dhe Francës për pozitën e tretë, ku “Tre luanët” arritën të fitojnë medaljen e bronztë.

Gërbeshi e përshkroi këtë kampionat si diçka më shumë se një thjesht garë të zakonshme. Ai theksoi se ishte një ngjarje që shënoi mbylljen e karrierave të shumë legjendave të futbollit.

“Ky kampionat shënoi lamtumirën e disa emrave të njohur, përfshirë Lionel Messin dhe Cristiano Ronaldon, të cilët u ndanë me kombëtaret e tyre. Por nuk ishin vetëm ata; Sadio Mané, Manuel Neuer dhe Neymar Jr. gjithashtu njoftuan përfundimin e karrierave të tyre,” tha ai.

Gërbeshi përfundoi duke e cilësuar këtë ngjarje si një lamtumirë për shumë yje të futbollit që e kanë mbushur këtë sport me ndriçim.