Plagosja në Miradi të Epërme, Policia ende në vendngjarje

Një person ka pësuar plagë mbrëmë në fshatin Miradi e Epërme të Fushë Kosovës për shkak të të shtënave me armë zjarri.

Sipas informacionit, i plagosuri është dërguar për trajtim mjekësor dhe aktualisht është jashtë rrezikut për jetë.

Burime nga Klankosova.tv konfirmojnë se ata të përfshirë në këtë ngjarje janë familjarë mes vete.

Gjatë ditës së sotme, automjetet e Policisë së Kosovës vazhdojnë të qëndrojnë në fshatin Miradi e Epërme për hetime të mëtejshme.

Ndërkohë, i dyshuari për këtë incident vazhdon të qëndrojë në arrati.