Zyra e Bashkimit Evropian në Kosovë ka shprehur miratimin e saj për emërimin e Zejnullah Gashit në detyrën e Kryeprokurorit të Shtetit, pas më shumë se katër vitesh diskutimesh rreth kësaj pozite.
Në reagimin e saj, BE thekson se përpara z. Gashi është një mandat që fokusohet në sigurimin e integritetit dhe llogaridhënies në sistemin prokurorial, si dhe në luftën kundër korrupsionit të nivelit të lartë dhe krimit të organizuar.
Një ditë para kësaj, ushtruesja e detyrës së presidentes, Albulena Haxhiu, nënshkroi dekretin për emërimin e Gashit si Kryeprokuror. Ai zyrtarisht e ka filluar detyrën sot me një mandat prej shtatë vjetësh.
You must be logged in to post a comment Login