Koncerti i Kanye West në Tiranë, Rama: Shqipëria organizoi një ngjarje, u bë lajm në çdo cep të botës

Kryeministri i Shqipërisë, Edi Rama, ka reaguar në lidhje me koncertin e Kanye West në Tiranë, duke e vlerësuar atë si një ngjarje që i dha vendit jehonë ndërkombëtare.

Rama theksoi se Shqipëria nuk u kufizua vetëm në organizimin e një koncerti, por krijoi një aktivitet që, falë famës globale të artistit dhe shpërndarjes në rrjetet sociale, u bë lajm i njohur në të gjithë botën.

Ai shpjegoi: “Mbrëmë, Shqipëria nuk organizoi thjesht një koncert. Në fakt, krijuam një ngjarje që, përmes kanaleve sociale dhe popullaritetit të protagonistit, u bë e njohur në çdo cep të globit. Megjithatë, ngjarja shkaktoi një debat të ashpër, ku u shfaqën dhuna dhe marrëzia ndaj koncertit.”

Kryeministri gjithashtu komentoi shqetësimet e ngritura nga disa qytetarë: “Kam dëgjuar të njëjtin refren, populli s’ka bukë, varfëria është në kulm, s’duam koncerte. Kjo qasje duken si një pengesë për zhvillim. Është një keqkuptim thelbësor mbi mënyrën si evoluon një vend. Zhvillimi nuk është thjesht një çështje e shëndoshjes ekonomike.”