Zjarr në një banesë në Korçë, humb jetë një person

Një zjarr ka shpërthyer në katin e parë të një pallati në lagjen nr. 15 të qytetit të Korçës.

Forcat zjarrfikëse dhe policia kanë mbërritur në vendngjarje për të izoluar dhe shuar flakët, sipas raportimeve të Euronews.al.

Si rezultat i zjarrit, një 72-vjeçar, i identifikuar si U.H., ka humbur jetën. Në përpjekje për të garantuar sigurinë, zjarrfikësit po evakuojnë të gjithë banorët nga banesat deri sa situata të vendoset nën kontroll.