Një 37-vjeçar nga Kosova, i cili ishte shpallur në kërkim nga autoritetet gjyqësore gjermane për përfshirje në disa raste grabitjesh, është arrestuar nga policia rumune në komunën Buturugeni, në qarkun Giurgiu.
Arrestimi u realizua më 8 korrik, pas një kërkese nga Inspektorati i Policisë së Qarkut Braila. Sipas autoriteteve rumune, operacioni u krye nga oficerët e Shërbimit të Hetimit Penal në Giurgiu, në bashkëpunim me policinë rurale të stacionit nr. 6 në Mihailesti. Këta oficerë arritën të identifikonin dhe ndalonin të dyshuarin.
Ndaj 37-vjeçarit ishte lëshuar një urdhër-arresti evropian nga autoritetet gjermane për vepra penale që lidhen me grabitje dhe vjedhje.
Pas arrestimit, ai është shoqëruar në Qendrën e Paraburgimit dhe Ndalimit të Policisë së Bukureshtit, me mbështetje nga forcat speciale të Shërbimit të Operacioneve Speciale të Giurgiut. Tani pritet që procedurat ligjore për ekstradim të vazhdojnë.
Be the first to comment