Rezultatet e Testit të Arritshmërisë kanë ngjallur debate të thella në opinionin kosovar. Sipas informacionit të raportuar, nxënësit e klasave të nënta kanë arritur nota më të larta në gjuhën angleze se sa në atë shqipe, një fakt që ka tërhequr vëmendjen e publikut.
Kryetari i Këshillit të Prindërve të Kosovës, Besnik Dragusha, në emisionin “Ora Shtatë”, shprehu shqetësimin përmenaxhimin e testit dhe e vlerësoi se këtë vit nuk ka pasur ndryshime të dukshme në krahasim me vitet e kaluara. Ai theksoi se testi ka nisur në emër të reformave, por sistemi arsimor nuk ka arritur ta aplicojë atë si duhet.
Nga ana tjetër, aktivisti Adriatik Llugiqi sugjeroi se testimet janë efektive vetëm kur bëhen në mënyrë të duhur. Ai e pa rezultatin e testit si një simptomë të problemeve të thella brenda sistemit të arsimit.
Gazetari Vullnet Krasniqi kritikoi sistemin arsimor në Kosovë, duke theksuar se nuk ka evidentuar përparim gjatë viteve. Ai vuri në dukje se nxënësit rezultojnë më mirë në gjuhën angleze, duke sugjeruar se kjo tregon një dorëzim ndaj burimeve në internet.
Drejtori i shkollës “Emin Duraku”, Visar Osmani, shprehu shqetësimin për organizimin e testit, duke theksuar se vetëm një minutë pas fillimit të tij, përgjigjet janë në dispozicion në internet. Ai e cilësoi këtë situatë si shqetësuese në lidhje me seriozitetin e testimit.
You must be logged in to post a comment Login