Katër persona, tre prej të cilëve janë të mitur, janë arrestuar ditën e hënë në fshatin Carallukë të Malishevës për dyshimin e posedimit dhe përdorimit të paautorizuar të armës.
Sipas Policisë, rasti është regjistruar rreth orës 13:35, gjatë një kontrolli policor në një automjet, ku është gjetur dhe konfiskuar një pistoletë. Dyshohet se automjeti ishte marrë pa lejen e pronarit nga një prej të dyshuarve, ndërsa arma kishte qenë në përdorim nga të miturit.
Në vendngjarje, policia gjithashtu gjeti dhe konfiskoi katër gëzhoja të kalibrit 9 milimetra, të cilat janë sekuestruar si prova materiale.
Të dyshuarit janë intervistuar në prani të punëtorëve të Qendrës për Punë Sociale. Pas përfundimit të procedurave fillestare dhe me vendim të prokurorit, të katër ata janë liruar në procedurë të rregullt, ndërsa hetimet për rastin vazhdojnë.
Be the first to comment