“Merhaba Asker”, përshëndetja në turqisht e Trumpit merr gjithë vëmendjen në Samitin e NATO-s

Presidenti i Shteteve të Bashkuara, Donald Trump, tërhoqi vëmendjen me mbërritjen e tij në Ankara për Samitin e NATO-s. Ai përshëndeti Gardën Ceremoniale Turke me fjalët: “Merhaba asker” (“Përshëndetje, ushtar”).

Kjo përshëndetje në gjuhën turke u shpërnda me shpejtësi në rrjetet sociale dhe u komentua gjerësisht, duke u vlerësuar si një gjest simbolik respekti ndaj vendit mikpritës.

Ndërkohë, Trump shprehu dëshirën për të marrë kontrollin e Grenlandës dhe paralajmëroi mundësinë e tërheqjes së trupave amerikane nga Evropa, gjatë qëndrimit të tij në Turqi për një Samit me liderët e NATO-s.

Ai kritikoi gjithashtu politikat e aleatëve evropianë lidhur me energjinë dhe imigracionin, ndërsa fliste me gazetarët, së bashku me presidentin turk, Recep Tayyip Erdogan, në Ankara.