Videoja e vajzave në Fier, Sara shpërthen pas pamjeve të dhunës: “Drejtësia duhet të veprojë”

Sara Gjordeni ka reaguar publikisht pas publikimit të një episodi dhune, duke shprehur tronditjen dhe indinjatën e saj për ngjarjen.

Në një postim në rrjetet sociale, Gjordeni, si nënë e dy vajzave, ka dënuar me forcë veprimet e personave të përfshirë dhe ka kërkuar që institucionet e drejtësisë të ndërhyjnë.

“Jam më shumë sesa e tmerruar dhe e prekur nga pamjet”, shprehet ajo, duke theksuar se dhuna nuk duhet të tolerohet dhe se ata që janë përgjegjës duhet të përballen me pasojat ligjore.

Ajo iu bashkua thirrjeve për hetim nga autoritetet dhe kërkoi që raste të tilla të trajtohen me seriozitet, duke bërë apel kundër vetëgjyqësisë dhe dhunës.

Reagimi i saj ka nxitur diskutime të shumta në rrjet, ku shumë individë kanë shprehur të njëjtin shqetësim për përhapjen e rasteve të dhunës mes të rinjve.