Më shumë se 500 persona kanë humbur jetën për shkak të shpërthimit të fundit të Ebolës në Republikën Demokratike të Kongos. Autoritetet shëndetësore kanë raportuar se numri i rasteve të konfirmuara ka kaluar 1,500.
Sipas Ministrisë së Shëndetësisë së Kongos, deri më tani janë regjistruar 1,561 raste, dhe 506 prej tyre kanë rezultuar fatale që nga shpallja e shpërthimit më 15 maj. Zyrtarët theksojnë se përhapja e sëmundjes po ndodh më shpejt se sa mund të reagojë institucioni.
Në provincën Ituri, epiqendra e shpërthimit, punëtorët shëndetësorë kanë paralajmëruar një grevë 24-orëshe nëse nuk u garantohen benefitet përkatës dhe kushtet e punës nuk përmirësohen. Këta profesionistë po punojnë në kushte të vështira, me pushime të kufizuara dhe nën presion të madh.
Në një komunikatë drejtuar qeverisë, ata kanë shprehur shqetësimin se nuk kanë marrë pagesat e premtuara që nga fillimi i shpërthimit, si dhe se mungojnë pajisjet dhe furnizimet esenciale për punë. Shtohet këtu edhe shqetësimi për pagat e ulëta dhe trajtimin nga ekipet që vijnë nga kryeqyteti, Kinshasa. Punëtorët lokalë ndihen të përjashtuar nga operacionet në Ituri.
Kërcënimi për grevë erdhi vetëm disa ditë pas fillimit të regjistrimit për provat klinike, duke rritur shqetësimet për ndikimin negativ në përpjekjet për kontrollimin e shpërthimit.
Autoritetet ende nuk kanë identifikuar pacientin e parë dhe po vazhdojnë të gjurmojnë mijëra kontakte të mundshme të infektuarve. Mungesa e një vaksine të miratuar për variantin e virusit Bundibugyo po e vështirëson reagimin shëndetësor, ndryshe nga variantet e tjera për të cilat ekzistojnë vaksina.
Organizata Botërore e Shëndetësisë ka shpallur se muaji i parë i këtij shpërthimi ka qenë më i rëndi i regjistruar ndonjëherë.
Be the first to comment