Tri pistoleta sekuestrohen në një autobus në Hungari, arrestohet një person në Prishtinë

Një ngjarje e pazakontë ka ndodhur më 1 korrik në Hungari, ku një person ka raportuar se në autobusin e tij të ndaluar janë gjetur dhe sekuestruar tri pistoleta të fshehura.

Sipas raportit të Policisë së Kosovës, më 3 korrik është arrestuar një i dyshuar në Prishtinë.

Ankuesi, një mashkull kosovar, ka deklaruar se armët ishin të fshehura brenda autobusit të tij. Pas arrestimit të të dyshuarit, policia ka kryer një kontroll të shtëpisë së tij me vendim të prokurorit. Pas intervistimit, i dyshuari është dërguar në mbajtje për hetime të mëtejshme.