Aksidenti në autostradën “Ibrahim Rugova”, një grua shtatzënë në mesin e të lënduarve

Tetë persona janë lënduar në një aksident që përfshiu gjashtë automjete në autostradën “Ibrahim Rugova”.

Shefi i emergjencës në Prizren, Hekuran Veçgishti, informoi Klankosova.tv se shtatë nga të lënduarit u dërguan në emergjencë. Gjendja e tyre është përmirësuar dhe ata janë liruar për të vazhduar rikuperimin në shtëpi.

Burime nga Klankosova.tv njoftojnë se mes të lënduarve ndodhet edhe një grua shtatzënë, e cila gjithashtu është liruar pas marrjes së ndihmës mjekësore.