Në dy incidente të ndara, flakët përfshinë dy automjete, një në Korçë dhe një tjetër në Vlorë. Zjarrfikësit dhe policia arritën në vend ngjarjes, por, për fat të keq, përpjekjet e tyre nuk ishin të mjaftueshme, duke shkaktuar shkrumbimin pothuajse të plotë të automjeteve.
Për sa i përket rastit në Vlorë, dyshohet se shkaku i zjarrit ishte një defekt teknik te automjeti, i cili ndodhej në lëvizje kur shpërthyen flakët. Sipas pamjeve të siguruara, zjarri përfshiu të gjithë mjetin, duke bërë që ashtu si pjesën e përparme, edhe atë të pasme të digjej plotësisht, duke penguar çdo mundësi shpëtimi.
Nga ana tjetër, një automjet tjetër u dogj në Korçë, pak minuta më parë. Shoferi ndodhej në një dyqan afër, kur flakët përfshinë mjetin. Pavarësisht ndërhyrjes së zjarrfikësve, automjeti u shkatërrua plotësisht, ndërsa hetimet fillestare dyshojnë për zjarrëvënie të qëllimshme.
Be the first to comment