Njëri nga të plagosurit në Podujevë hyn në sallë të operimit

Katër persona janë plagosur pas një incidenti me armë që ndodhi së fundmi në qendër të Podujevës. Të plagosurit janë transportuar për trajtim në Qendrën Klinike Universitare të Kosovës.

Drejtori i Klinikës Emergjente në QKUK, Naser Syla, ka konfirmuar se njëri prej të plagosurve është dërguar në sallën e operimit. Ai njoftoi se pacienti është duke u trajtuar nga ekipet e anestezionit dhe neurokirurgjisë.

Ministri në detyrë i Shëndetësisë, Arben Vitia, është përgjigjur menjëherë dhe ka vizituar të plagosurit në spital.