Arrestohet 20-vjeçari i dënuar për vrasje në tentativë, dërgohet në vuajtje të dënimit

Policia e Kosovës ka arrestuar një person të kërkuar, i cili ishte dënuar për veprën penale “Vrasje në tentativë”.

Sipas njoftimit nga Drejtoria e Policisë së Kryeqytetit, arrestimi është realizuar nga njësitë e Stacionit Policor Qendra në Prishtinë. Ky veprim është pjesë e operacioneve të vazhdueshme për kapjen e personave të dyshuar dhe të dënuar për vepra penale.

I arrestuari është identifikuar si A.Sh., 20 vjeç, i cili kishte marrë dënim prej një viti burg për veprën penale “Vrasje në tentativë”. Pas arrestimit, ai është dërguar në një institucion korrektues për të vuajtur dënimin.

Policia e Kosovës ka njoftuar se do të vazhdojë të kryejë veprime operative për lokalizimin dhe arrestimin e personave të kërkuar nga organet e drejtësisë.