Korporata Energjetike e Kosovës (KEK) gjatë vitit 2025 ka pasur mangësi në transparencë, sipas raportit të fundit të Zyrës Kombëtare të Auditimit (ZKA).
Raporti thekson se KEK nuk ka përfunduar përditësimin e regjistrit të pasurive të paluajtshme. Në këtë regjistër vazhdojnë të figurojnë prona që nuk i përkasin ndërmarrjes, përfshirë asete të transferuara te Infrakos me vlerë mbi 7.8 milionë euro, si dhe disa parcela dhe prona të tjera me vlera të ndryshme.
Sipas raportit të ZKA-s, regjistri përmban pesë prona të transferuara te Infrakos me vlerë 7,867,541 euro, dhe 11 parcela të identifikuara për fshirje me vlerë 866,223 euro. Po ashtu, figuron prona e quajtur ‘Mali i pyllëzuar’ në Podujevë, me vlerë 5,000,000 euro.
Një tjetër gjetje e auditorit thekson se gjatë ankandeve për shitjen e energjisë elektrike është përdorur një adresë e pasigurt emaili. Sistemi i KEK-ut nuk ofron mbrojtje kibernetike të duhura, duke kufizuar mundësinë e verifikimit të informacionit mbi hapjen e email-eve me oferta, kush i hapi ato dhe koha e saktë e ankandit. Problemi tjetër i shfaqur është dokumentimi i vendimeve për shitjen e tepricave të energjisë në bursë e ankand.
Detajet e plota mund të gjenden në kronikën e mëposhtme.
Be the first to comment