Deschamps largohet urgjentisht nga kampi i ekipit kombëtar francez

Franca do të përballet me Norvegjinë pa trajnerin e saj kryesor në fushë.

Trajneri i ekipit kombëtar francez, Didier Deschamps, është kthyer urgjentisht në Francë nga Shtetet e Bashkuara për shkak të një humbjeje tragjike në familje, vdekjes së nënës së tij.

Ky lajm është raportuar nga Fabrizio Romano përmes rrjeteve sociale. Pas marrjes së lajmit të trishtë, Deschamps ka vendosur të udhëtojë për në shtëpi për të marrë pjesë në funeralin e nënës së tij.

Federata Franceze e Futbollit ka dhënë leje zyrtare për Deschamps që të mos marrë pjesë në ndeshjen e fundit të fazës së grupeve kundër Norvegjisë.