Ish-fituesi i edicionit të tretë të Big Brother VIP Kosova, Drilon Rama, po përgatitet të rikthehet në ringun e boksit, këtë herë në një nga skenat më të rëndësishme evropiane.
Përmes një postimi të fundit në rrjetet sociale, boksieri ndau me ndjekësit disa fotografia, ku vërehet qartë fiziku i tij i stërvitur dhe në formë optimale. Trupi plot muskuj tregon se muajt e fundit kanë qenë të mbushur me stërvitje intensive dhe disiplinë të fortë në palestër.
Driloni e shoqëroi këtë postim me një mbishkrim të thjeshtë, por të dukshëm: „Jam gati“. Ky mesazh tregon se ai ka përfunduar fazën përgatitore dhe është plotësisht i gatshëm, si fizikisht ashtu edhe psikologjikisht, për sfidën e radhës.
Ndeshja e madhe do të zhvillohet më 11 korrik në arenën e njohur „Porsche Arena“ në Stuttgart, Gjermani. Kjo ngjarje pritet të jetë e mbushur me tifozë që presin me padurim këtë përballje.
Me këtë formë, Driloni thekson se vëmendja dhe synimet e tij përqendrohen te triumfet në boksin profesionist. Ndjekësit dhe adhuruesit e sportit kanë filluar tashmë numërimin mbrapsht për natën e 11 korrikut.
You must be logged in to post a comment Login