Çka po ndodh me shoqërinë e Mozës dhe Bujakës pas ‘Ferma VIP’?

Një ditë para finales së spektaklit “Ferma VIP”, miqësia mes DJ Bujakës dhe shkrimtares Mimoza Ahmeti ka kaluar në një krizë të madhe.

Pas një përplasjeje të fortë brenda fermës, Bujaka e akuzoi Mimozën se kishte shkelur marrëveshjen e tyre shoqërore, duke lënë një shije të hidhur te ata që i kishin mbështetur gjatë programit.

Megjithatë, vetëm një javë pas përfundimit të formatit televiziv, situata duket se ka ndryshuar. Miqësia e tyre ka triumfuar jashtë kamerave, duke vërtetuar se diskursi i debatit është thjesht një element i lojës.

Në një video të publikuar në rrjetet sociale, dyshja është ritakuar në eventin e parë të DJ Bujakës pas finales. Moza ka mbështetur Bujakën në këtë ngjarje, duke dëshmuar se lidhja e tyre është rikthyer.