Parandalohet kalim ilegal i kufirit në Bërnjak, konfiskohen pajisje elektronike

Mbrëmjen e së premtes, në Bërnjak, është arrestuar një shtetas i Serbisë, i cili dyshohet se ka provuar të kalojë ilegalisht kufirin.

Sipas Policisë, i dyshuari po drejtonte një automjet me targa serbe, në të cilin kishte ngarkuar pajisje elektronike.

“Është ndaluar një mashkull shtetas i Serbisë, i cili me automjetin e tij me targa serbe kishte tentuar të dërgonte ilegalisht pajisjet nga Kosova në Serbi. Po ashtu, ai ka provuar të kalojë ilegalisht kufirin mes Republikës së Kosovës dhe Serbisë,” njofton policia.

Pajisjet janë konfiskuar, ndërsa i dyshuari është liruar në përputhje me procedurat e rregullta.