JD Vance: Asnjë cent nga paratë amerikane nuk shkon në Iran si pjesë e marrëveshjes

Zëvendëspresidenti i Shteteve të Bashkuara, JD Vance, theksoi se asnjë cent nga paratë amerikane “nuk do të shkojë në Iran si pjesë e marrëveshjes së paqes”.

Gjatë një interviste për Fox News, Vance e krahasoi administratën Trump me atë të ish-Presidentit Barack Obama. Ai pretendoi se Obama kishte dhuruar më shumë se 1 miliard dollarë para të gatshme për Iranin, sipas informacionit të raportuar nga BBC.

Vance vuri në dukje se disa grupe brenda shoqërisë iraniane po përpiqen ta paraqesin këtë marrëveshje në një dritë sa më pozitive për audiencën vendase.

“Është e qartë se asnjë cent i parave amerikane nuk shkon në Iran, as 300 miliardë dollarë, as 24 miliardë dollarë, asnjë nga këto para,” shprehu ai.