Finalistja e edicionit të katërt të “Big Brother VIP Kosova”, Elijona Binakaj, pas një periudhe intensive nën vëzhgimin e kamerave, po shijon momentet me njerëzit e saj të afërt. Ajo ka ndarë me ndjekësit disa imazhe nga festa e ditëlindjes së vëllait të saj, Erisit.
Në pamjet e publikuara në rrjetet sociale, Elijona ka treguar detaje nga 14-vjetori i të vëllait, i festuar në një ambient të qetë dhe të ngrohtë familjar. Një tortë e kaltër, përqafime nga prindërit dhe nga vetë Elijona, e bënë këtë ditë të veçantë për familjen. Për t’ia shtuar gëzimin kësaj feste, ajo kishte përgatitur një dhuratë që çdo adoleshent do ta donte: një Sony PlayStation 5. Në fotografitë e ndara, Erisi shihet duke pozuar me buzëqeshje dhe dhuratën në duar, duke treguar se ajo ishte zgjedhja perfekte.
Pjesë e veçantë e festës ishte dhe mesazhi emocional i Elijonës. Ajo ka shkruar: “Sot festuam 14-vjetorin e gëzimit të shtëpisë sonë. Gëzuar ditëlindjen, Eris! Jam shumë krenare për ty dhe të uroj vetëm të mira në jetë. Të duam pafund!”, duke shoqëruar këtë dedikim me një video. Ky postim thekson se pas zhurmës mediatike të reality show-t, Elijona po e gjen qetësinë pranë familjes së saj, në momentet që kanë më shumë rëndësi.
Be the first to comment